ᖃᐅᔨᒍᒪᕕᑦ ᖃᓄᐃᒻᒪᖔᑦ ᒥᕐᖑᐃᓯᕐᕕᒥ ᐃᑉᐱᒍᓱᑦᑎᐅᒋᐊᒥᒃ, ᐱᓇᓱᐊᖃᑎᖃᕐᓗᑎᑦ ᐆᒪᔪᓂᒃ
ᖃᐅᔨᓴᕐᑎᒥᒃ ᐊᒻᒪᓗ ᒥᕐᖑᐃᓯᕐᕕᐅᑉ ᐃᓇᖁᓇᕐᑐᖁᑎᖏᓐᓂᒃ ᑕᑯᓂᐊᕐᓗᑎᑦ? ᓄᓇᕕᒻᒥ ᒥᕐᖑᐃᓯᕐᕕᓕᕆᕕᒃ ᕿᓂᓕᕐᑐᖅ
8-ᓂᒃ ᐃᓕᓵᓂᒃ ᓄᓇᕕᒻᒥᐅᓂᒃ ᐱᓇᓱᐊᑫᓐᓇᕈᒪᔪᓂᒃ ᐊᒻᒪᓗ ᓯᓂᑦᑕᕋᖃᑦᑕᓗᑎᒃ ᒥᕐᖑᐃᓯᕐᕕᒥ ᐱᓇᓱᐊᕈᓯᓕᒫᒥ
parc national des Pingualuit. ᐊᑦᔨᖃᖕᖏᑐᖅ ᐊᑑᑎᒍᓐᓇᓯᓐᓇᑐᖅ ᐃᓚᓕᓐᓂᒃ ᓱᒃᑯᑎᑦᓯᑌᓕᓂᕐᓄᑦ
ᐱᓇᓱᒐᕐᓂᒃ, ᐱᓱᖕᖑᐊᓂᕐᓂᒃ, ᐃᖃᓗᑦᓯᐅᓂᕐᓂᒃ, ᓄᓇᒥ ᓯᓂᑦᑕᕋᕐᓂᓂᒃ ᐊᒻᒪᓗ ᖃᐅᔨᓴᕐᓂᓂᒃ ᑐᓂᕐᑕᓂᐊᕐᕕᓴᓂᒃ!
ᙯᓚᐅᕆᑦ ᐃᓚᐅᒋᐊᕐᑐᓗᑎᑦ
ᖃᐅᔨᒋᐅᖕᖑᐊᓇᕐᑐᓂᒃ ᑕᑯᖃᑦᑕᕋᔭᕋᕕᑦ!
ᓯᑕᒪᐅᔪᕐᑐᑦ ᐃᓕᓵᑦ ᓇᓪᓕᑳᕐᑕᐅᓛᕐᑐᑦ ᖃᐅᔨᓴᕆᐊᕐᑐᓛᕐᑎᓗᒋᑦ ᐊᑦᔨᒌᖕᖏᑐᓂᒃ ᓄᖑᖏᓐᓇᑎᑦᓯᑌᓕᓂᕐᓄᑦ ᐱᓇᓱᒐᕐᓂᒃ ᒥᕐᖑᐃᓯᕐᕕᐅᑉ ᐱᓇᓱᑦtᖏᑦᑕ ᐱᓇᓱᐊᕐᑕᖏᓐᓂᒃ ᐊᒻᒪᓗ ᖁᐱᕐᕈᓂᐊᕐᑎᐅᑉ ᑖᒃᑯᐊ ᐱᓇᓱᐊᕐᑎᓗᒋᑦ ᐃᑲᔪᖃᑦᑕᓛᕐᓗᑎᒃ ᐊᐅᒍᓯᑎ 1-ᒥᑦ 6-ᒧᑦ, 2016-ᒥ:
- ᑕᖃᓕᑭᑖᑦ ᖃᓄᐃᑦᑑᓂᖏᑦ ᖃᓄᐃᓪᓗᐊᓂᖏᓪᓗ;
- ᐃᒍᑦᓭᑦ ᖃᓄᐃᑦᑑᓂᖏᑦ ᖃᓄᐃᓪᓗᐊᓂᖏᓪᓗ;
- ᐃᓚᐅᓂᖅ ᐃᖃᓗᓐᓄᐊᖓᔪᒥᒃ ᑐᑭᓯᐅᑎᑦᓴᓂᒃ ᑲᑎᕐᓱᐃᔪᓂᒃ;
- ᐳᕕᕐᓂᑑᑉ ᑰᖓᑕ ᐃᑎᓂᖓ ᐃᒃᑲᓂᖓᓗ;
- ᒪᓇᕐᓱᓕᒃ ᐊᐅᓪᓛᓯᒪᕕᐅᑉ ᐊᕙᑎᖓᓂᒃ ᕿᒥᕐᕈᕆᐊᓕᕐᕿᓂᖅ.
ᐊᑑᑎᑎᑕᐅᓛᕐᒥᔪᑦ ᐃᒣᑦᑐᓂᒃ: ᐱᓱᖕᖑᐊᓂᖅ, ᐃᖃᓗᑦᓯᐅᓂᖅ, ᐊᐅᓪᓛᓯᒪᓂᖅ ᐊᒻᒪᓗ ᖃᐅᔨᓴᕐᓂᖅ ᑐᓂᕐᑕᓂᐊᕐᕕᓴᓂᒃ! ᑮᓇᐅᑦᔭᓵᖏᑦ, ᓯᓂᕝᕕᖏᑦ ᐊᒻᒪᓗ ᐊᐅᓚᓂᖏᑦ ᒪᓂᔭᐅᓯᒪᓛᕐᑐᑦ ᐃᓕᓵᓄᑦ.
ᐃᒣᑦᑑᒋᐊᓖᑦ
- ᑎᒥᒥᒍᑦ ᖃᓄᐃᒍᑎᖃᕈᓐᓀᓗᑎᒃ ᓄᓇᑐᐃᓐᓇᑯᓪᓗ ᐊᕐᖁᑎᕐᓗᑯᑦ ᐅᖓᓯᑦᑐᒧᑦ ᐱᓱᒍᓐᓇᓗᑎᒃ.
- ᐊᓕᐊᒋᔭᖃᕐᓗᑎᒃ ᐊᓃᕆᐊᒥᒃ ᖃᓄᐃᑦᑐᑐᐃᓐᓇᐅᒐᓗᐊᕐᐸᑦ ᓯᓚ ᐊᒻᒪᓗ ᑎᒥᒥᒍᑦ ᐱᓇᓱᐊᕈᓐᓇᓯᐊᕐᓗᑎᒃ (ᑭᕕᑦᓯᖃᑦᑕᓗᑎᒃ, ᐱᖑᔭᕈᓐᓇᓗᑎᒃ, ᐊᒻᒪᓗ ᐊᒧᐊᒍᓐᓇᓗᑎᒃ).
- ᓄᓇᑐᐃᓐᓇᒥ ᐊᐅᓚᒋᐊᒥᒃ ᖃᓄᐃᑦᓴᕈᓐᓀᓗᑎᒃ ᐅᖓᓯᑦᑐᒦᒐᓗᐊᕈᑎᓘᓐᓃᑦ ᑐᓴᕈᑎᓕᕆᕕᑦᑕᖃᖕᖏᑐᒥ, ᐊᒻᒪᓗ ᓯᓂᑦᑕᕋᑐᐃᓐᓇᕆᐊᖃᓛᕐᓱᑎᒃ ᐳᕕᕐᓂᑑᑉ ᑰᖓᓂ.
ᑐᑭᓯᒋᐊᓪᓚᕈᒪᔪᑦ ᐅᕝᕙᓘᓐᓃᑦ ᐃᓚᐅᒋᐊᕈᒪᔪᑦ ᐊᐅᔭᕐᓯᐅᖑᐊᓛᕐᑐᓂᒃ ᐱᖑᐊᓗᐃᑦ ᒥᕐᖑᐃᓯᕐᕕᒥ, ᑕᑯᒐᓱᐊᕐᓗᒋᑦ ᑕᑲᒃᑯᐊ ᐊᓪᓚᓯᒪᔪᐃᑦ ᐊᒻᒪᓗ ᐅᕙᑦᑎᓄᑦ ᐅᖄᓯᒪᒋᐊᖃᕐᓱᑎᒃ ᔫᓂ 30-ᐅᓚᐅᕐᑎᓇᒍ:
YES ᓄᓇᕕᒃ 819-964-2961 / ᕇᐱᑲ ᒥᖕᓅᓪᑦ ᐱᑐᑦᓯᒪᐅᑎᖓ 2239
ᐅᕝᕙᓘᓐᓃᑦ ᑫᐋᔩ ᒥᕐᖑᐃᓯᕐᕖᑦs 819-964-2961 / ᐃᓖᔅ ᕆᐅ-ᐸᑭᐊᑦ ᐱᑐᑦᓯᒪᐅᑎᖓ 2335
